LewLewal Communication

Leydi ko lare pawondirɗe, laral keedngal dow ngal woni ngal njaɓɓaten ngal ko bakkal ko heen maaje ( geecuuji) pawi tekkeendi maggal ina abboo e 40 kilomeeteer ndeer, so oɗon teski so ñiiri rottaama e lahal, so ɓooyi jooɗaade ina waɗa laral ɓuuɓngal dow tawa so a ñoortii ngal ngarata ko e ñiiri ngulndi, no laral ngal siforii nih ko noon leydi ndi njaɓɓaten ndi way, ko laral pawingal e loopal jamɗe taayɗe ɗe nguleeki mawki , haa jooni so en ngarti e laral ñiiri ngal eɗen mbaawi yuppude heen dihal, kal heeda dow, ko noon ndiyam maaje ɗam woniri dow laral leydi ngal njaɓɓaten ngal, sabu ko maayo luggiɗi ko fo ko e dow leydi tan fawi !
So bakkal yawti, rewi heen ko mboorkal, ko ɓakkere leydi e jamɗe taayɗe bawñooje, e ngal feeña kala nde mboorka (Volcan) fucciti e dow leydi walla e ndeer ndiyam.
Mboorkal ngal moofti ko aaludere kañum ne ko jamɗe taayɗe ɓuri heen heewde, kadi ko ngaal laral ɓuri deelɗude e wulde, so ngal yiyatono gite men kaɗtanta ƴeewde ngal sabu jalbude ; nguleeki maggal ina tolnoo e 4300 degre .
Aaaludere nde ina waɗi ɓernde njamndi ɓaleeri njoorndi ngulndi, ko kayri moofti e ndeer luggiɗeeki leydi, ko ɓernde jaggi kala ko woni e dow leydi, sabu ko kayre woni aawdi saayaande pooɗal (champs magnétique) leydi, so wonaano ndeen saayaande alaa ko ñiiɓatno e dow mayri, hay henndu ko ɓuri hoyde ko eggatno leydi !
Nguleeki ɓernde leydi ina tolnoo e 7000 pawɗe degre.
Nganndee ɗo tallittoɗen ɗo ko ni sifori !