LewLewal Communication

Mariyam Fay Sal ko kam Allah waɗi cuddiiɗo hooreejo leydi Senegaal. Debbo ɓaleejo mo pinal Senegaal gadiiɗo hurtaade e galle laamorgo leydi Senegaal.
Mariyam Fay Sal jibinaa ko to Madina sabakh, kono ko ɓuri heewde e nguurndam makko o waɗi ɗum ko to Ndar. Ko o ɓiɗɗo nayaɓo e galle ɓesnuɗo sukaaɓe njeetato. Neene makko ko cafroowo wonnoo, kono kaŋko caggal bak makko o wonti ko debbo galle.
O anndondiri e Makki Sal ko e 1991 to Jurbel. Ngaal ganndondiral rewi ko e Mammadu Talla jannginatnooɗo mbo, gonɗo hannde e hoore jaagorgal jaŋde heblo. ko e 1994 o resondiri e Makki Sal. Ngaal dewgal barkinii ɓiɓɓe tato, ɗiɗo worɓe e debbo gooto. O jogii ko bak S2. Caggal bak makko o janngoyi ko to Ensut duuɓi ɗiɗi heblo, kono nde o foti naatde e daawal goɗngal jaŋde ko tawa omo sowii ɓiyiiko afo hono Aamadu, roŋki yahdude o woppi jaŋde ndee.
Omo anndaa wonde juulɗo dewoowo Allah no feewi. Wondiiɓe makko kollitii hay sinno waktu tawi mbo ko e laawol, o dartintu oto haa o juula. Ɓadiiɓe mbo ina ciforoo mbo kadi kaaraysiraagal/