LewLewal Communication

Pooɗee nduuree cooynamooɗo e doggi yiɗɓe suɓeede to suudu sarɗiiji ina tabitii. E nder leydi haa to caggal leydi ŋoni fof na na
ŋtii ina fotndi heen yande walla seekoo,kono woppataa.keewal sokluɓe to caggal leydi diwtii wiyoore,kono wonaa toon tan. E nder leydi ndii ne ko noon.ko ina wona 15 pooɗantooɗo jooɗorde wooetre to Aŋerik.Jonɗe ɗiɗi Farayse ɗee ko ina abboo e 60 neɗɗo kollitii yiɗde mumen fiileede. E nder Senegaal ne ko hono noon. Linngeer tan ko ina wona 30 neɗɗo kollitiino yiɗde mumen jeyeede e doggi ɗii. Ɗum.ɗesiino jibinde piyondiral e e nder siiwanuuji Senegaal fof haa hooreejo leydi ndii felliti heɓtude geɗe ɗee e juuɗe mum.
Won ko fuɗɗii suyde heen,fuɗɗiima jibinde peccooru e haala. Yeru mum ko Podoor to sooynaa Seek Umar Aan e Kajjata Talla hoore doggol falnde.W ngoolmdoggol ina tawee heen Demmba Bah,Muusaa Caam e Yetta Sow… Ɗum woni sabaabu haa won sukaaɓe pilñitii ngam salaade.
E ngool calagol won heen ina pelliti geddude woote ɗee walla wootande doggi foɗɗi. Ɓeen sukaaɓe nih njooɗodiima e jaayndiyankooɓe ngam hollitde pellital mumen. E wiyde maɓɓe ɓe coklaani jooɗodaade e hay gooto so wonaa gardiiɗo parti oo.
Ɗiin doggi foɗɗi mbaasaani woodde. IPd mo Ibrahima Abuu Ngeet fellitii tufe tiinde mum. Waalde makko ina yahdi e lanndaaji tati goɗɗi. To Podoor Ipd suɓii ko Mariyam Bah mo dental Fuuta Tooro ngam ardaade doggol falnde ndee.