Ko Fecci-jamma talaata hanki wonnoo lajal battindiingal ngam jettingol doggi wonande yiɗɓe jeyeede e suɓngooji depiteeji. Hakke 45 doggol yettiima juuɗe jaɓɓatooɓe ɓee. Ɓeen ne ina njogii balɗe ɗiɗi ngam jaɓde walla riiwtude doggi ɗii.
Fecci jamma talaata 30 Me,duñondiral heewii e nokku to doggi ɗii nawatee too. Limaama ko meeɗaa waɗde e daartol politik Senegal hakke 45 doggol e ko fuɗɗii suyde yettinaama toon. Woote ɓurnooɗo heewde doggi haa ɗoo waɗi ko doggi 24.
Wonande Bennoo Bokk Yaakaar, anndaama ardatoo doggol maɓɓe ko Mohammed Bun Abdallaah Joon. So tawii ko Dakaar,won wiyɓe Bennoo suɓii ko Maymuuna Ndooy Sek. Oon ko jaagorɗo kalfinaaɗo njilluuji e diwngooji. Kono ina e ko ɓuri jaalaade ko Aamadu Bah jaagorɗo faggudu e ngalu leydi ndii.
To Cees ko Siree Jah suɓaa ngam ardaade doggol falnde ndee. Mustafaa Ñas nawaa ko to Ñooro.
Hollitaama kadi Aliw Sal e Abdullaay Cimmbo njeyaaka e doggol ngol.
To bannge Mankoo Takawu Senegaal, ko Kaliifa Sal ardatoo doggol ngenndiwol ngol. Dakaar noon ardatoo ɗum ko Bammba Faal.
Mankoo Wattu Senegaal ko Josef Saar ɓe cuɓii ngam ardaade doggol ngol.
« Coalition gagnante » ko Abdullaay Wadda woni hoore doggol maɓɓe.
Ko 09 suwee doggi laawɗinaaɗi ɗii njaltintee. E oon sahaa ko ceerndugol goobuuji karte lannda walla waalde heen kala.
Ko 19 sulyee ruumo jarlibaade suɓotooɓe ngoo fuɗɗotoo.
DOGGI NDAARTOOƁE DEPITEEJI : WON KO FUƊƊII SUYDE HEEN
Conférence de presse Cerno Alassane Sall
Thierno Alassane Sall répond aux questions des journalistes à propos de son livre
Interview avec Adama Cheibany Aw ( Chef div exploitation des infrastructures du barrage de Diama)
Cakkite
+-
-
hakkunde abdul mbay e aminata jaak
Posted in: Joljole -
-
-
Popular
+-
Liste des 99 premiers compagnons de El Hadji Omaroul Foutyou Tall
Posted in: Joljole Comments: 0 -
-
VERSION NUMÉRIQUE DU SAINT CORAN EN PULAAR : L’ŒUVRE D’UN JEUNE GUINEEN
Posted in: Joljole, Kesum Comments: 0 -
ÉLIMINATOIRE DE LA CAN 2017 : LE SÉNÉGAL DANS UNE POULE ABORDABLE
Posted in: Coftal, Joljole Comments: 0 -
Post your comments
Vous devez être connecté pour publier un commentaire.