DOGGI DEPITEEJI : LANNDA IPD ARDINII JEEWTOOWO E RAJO TIMTIMOL

Usmaan Caam gooto e hirjinooɓe jeewte e haalirde Timtimol fm naatii e dingiral politik.
So wiyaama Usmaan Caam heewɓe maa mbiy ko kebloowo jeewte e haalirde Timtimol fm haalirde dowri e nder diiwaan Maatam. Hannde o ko kaŋko ɗowata yeewtere wiyateende ɗemngal Ilam, yewtere loowdi finndinoore, jeertinoore. Hannde o e ballondiral lannda IPD mo Ibraahiima Abu Nget ardii, ko kaŋko waɗaa hoore doggol e falnde Maatam. Ina anndaa kam Usmaan wonaa dilloowo to bannge politik, kono e hoolaare timmunde addanii lannda IPD suɓaade mo e nder falnde Maatam.