LewLewal Communication

Caankon Ɓoggel ko wooto e gure fuuta e nder diiwaan Maatam falnde Maatam e nder renndo teeru Oogo. So wiyaama Caankon Ɓoggel innatee ko wuro Sarif Abba Haydara. Alasan sih gorko mo Caankon Ɓoggel guurɗo hannde o to Dowlaaji Dentuɗi Amerik dariima darnde tiiɗnde ngam addude ballal mum e jaŋde sukaaɓe Caankonnaaɓe, e juuɗe gardiiɗo ekkol o hono Sammba Aamadu Sek o dariima e feewnitde fotde teemedere taabal baŋ haa sukaaɓe ɓe ndaña ɗo njooɗii. E wiyde jinnaaɓe sukaaɓe janngooɓe ɓe ɗuum ina jeyanoo e caɗeele ɓurɗe teeŋtude. Kadi ɓe nettiimo njettoor teeŋtuɗo fayde e makko sabu kala ngoƴa ekkol o kala ko o haalanaa omo darii heen. E wiyde hooreejo fedde jinnaaɓe sukaaɓe janngooɓe ɓe min mbaawaa yoɓde Alasan Sih, kala ko feewti e jaŋde sukaaɓe amen omo darii heen no feewi.
Bookar Sek Lewlewal Maatam