Maa won balɗe jooni tati fuuta e kummbaaru woni e ɓuuɓol keewgol doole. Kala joomen sukaaɓe tokosɓe naatii e jehreeji ngam ndaartande ɓesnguuji mumen comci tekkuɗi. Tee jammaagu ngu e mbeddaaji ɗi ko pooye tan njiyataa yimɓe ina ngitoo, haa teeŋti noon e ɓeen reenooɓe nokkuuji. Ko ɓuri heen muusde fof ko ñalawmaaji ɗi kala jogitinooɗo njallaaba mum yaltinii, nawdi heen bugawol mum nde wonnoo henndu ndu ina heewi, ɓuuɓol ngol ina fakiti haa alaa ɗo tolnitttee. Ngol ɗoo ɓuuɓol hay sinno ina aratnoo wayrii arde e ɗoo yontaaji. Sabu ina tiiɗi ɗo njiyataa ɓoorniiɗo wutte goybuɗo. To bannge daande maayo ngo so a faandiima wuro 1km a waawaa yiyde ɗum hakke no puseer o heewiri. Otooji dogooji kam ko maa waɗtee hakkille no feewi sabu keewgol puseer.
Haa e oo ñalawma ɓuuɓol ngol ina wutta no feewi.
Bookar Sek Lewlewal Maatam
Post your comments
Vous devez être connecté pour publier un commentaire.