Pottital jannginooɓe e janngooɓe pulaar to wuro wiyeteengo Hooƴo. Hooƴo ko wooto e gure fuuta e nder diiwaan Maatam e nder renndo teeru Hoorefoonde. Tawtoraama pottital ngal Usmaan Bah kalfinaaɗo jaŋde ɗemɗe ngenndiije e nder diiwaan Maatam, Demmba Sumaare kalfinaaɗo jaŋde ɗemɗe ngenndiije e falnde Maatam, jannginooɓe 18 wonɓe e nder renndooji teeru Hoore foonde, Nabbaaji e Oogo, rewindtooɓe 3 huufɓe ɗiin renndooji teeru. Kala jannginoowo garɗo toon ardii e janngoowo gooto kalfinaaɗo binndol e goomuuji jiilgol duɗe ɗe. Duɗal ngal jaɓɓiima pottital ngal no feewi, e gardagol jannginoowo hono Hawwaa Sehaan lollirɗo Liido Sehaan. O tabitinii winndannde hiisa piɓtugol piɓe ina jeyanoo e yoga e caɗeele jannginooɓe waasde humpito kono nde gostondiral waɗaa feeñii nafoore sanne. Joom wuro ngo hono Mammadu Bah hollii weltaare mum no feewi. Kono ñallal ngal waɗii wune tuma nde Ibraahiima Umar Kan tawtoraama waɗii heen golle jooɗɗe ngam hirjinde janngooɓe nde tiiɗnatoo e jaŋde ɗemɗe ngenndiije ko sodorde ɓamtaare. Golle ɗe njoofii e weltaare duuso jime e jimɗi haa nde jolaa hootaa.
Bookar sek Lewlewal Maatam
Post your comments
Vous devez être connecté pour publier un commentaire.