LewLewal Communication

Senegaal ina fetta kihondire 2 cehilaagal hakkunde mum e Kotduwaar23 Mars e hakkunde mum e Niseriyaa 27 Mars. E keblanagol ɗeen pottitte, Aliw Siisee kebloowo kippu Senegaal oo yaltinii doggol mum fettooɓe.
Ina teskini e ngool doggol, noddugol fettooɓe hesɓe. Ina heen Woppaa Njaay. Oon ko e yuwooɓe jeyaa. O yiyi aduna ko to Mantu e hitaande 1994. O fettata hannde ko e kippu Mets e ndee hitaande. O wonii Valenciennes duuɓi nayi. Hikka o fettii e Mets kihondire 23 kono ko gootol o naatni Biit.
Keso goɗɗo noddaaɗo ko Muusaa Wagee. oon fettata ko to Balsik e kippu KAS EUPEN. Ko e feddatooɓe o jeyaa to bannge ñaamo.O fettiino e kippu Senegaal tokooso oo, kono ko ngol wonata gadanol makko e kippu dowrowo oo.

Ina jeyaa e hesɓe ɓee biyeteeɗo Aamada Mbennge.Oon ko paddatooɗo to wibjo nano ngoo.O jibinaa ko 1993, o woni ko to kippu Jaambaar.Kanko ne o fettiino e kippu tokooso oo.
Ina heen teskini kadi gartugol Alfered Njaay e Saalif Saane, kam e baasgol noddeedeMuusaa Konaate e Paap Kuli Joob.
Koheddii koo waylaaki.