MAATAM : HARE SIMME E NOKKUUJI RENNDO UMMONAAMA

Gardiiɗo falnde Maatam ardiima talaata 28 Mars batu ngam darnude goomu ndarantoongu rewindaade hare simme e nokkuuji renndo.
Ko simme haɗaa koo e nokkuuji renndo ɗii wonii dumunna. Kono ellee caggal kuulal ngal alaa tawa ko tabiti heen. Ko ngam suiynude ɗum prtefee mo Maatam darni goomu ngam rewindaade kuulal ngal. Aadama Mbay jeyaaɗo e tippudi hare simme e nder Senegaal tawtoraama pottital ngal. Faandaare mawnde ndee ko hirjinde renndo ngoo e bone simme e wiyde Jaaje Jah perfee oo. Simme ina wona sabaabu ñabbuuli keewɗi : ñabbuuli jofe, heeñere, kanseer…