GANNDE KESE : WINNDANNDE HAMMADI JAH

Ina famɗi hannde galle mbo alaa ko ɓuuɓnata, maa wonii filsideer wala klim.
Kono mbela oɗon nganndi no ɗiin masiŋaaji ngollirta?

Woni sirlu ɓuuɓol walla nguleeki wiimtatooki e ɗiin masiŋaaji ko henndu (gaas) ina dummba e nder guccurol (tuyau), nduun henndu wiyetee ko fereyon (fréon), adatoo heɓɓaade ndu ko pompre (pompe) siiɓoondu dammpa ndu nde guccrol ndeelol (condenseur), nde wonnoo ndu dummbete toon e ɓitto saɗtungo ( haute pression) ndu rentat haa ndu wonta ndeelam (liquide), gontugol mayru ndeelam waɗata-ndu wiimtaade nguleeki, so oɗon teskii caggal frigooji koko wulata, ɗuum ko batte nattugol fereyon won’de henndu wonta ndeelam.
So tawii fereyon gontuɗo ndeelam o yottiima puufri (détendeur) arata ko ina ɓittaa no feewi ina yiyloo no yawtiri e nder guccurol he, puufri ndi waɗi ko wuddere faaɗnde fuufa ndeelam ɗam yawta to cuurkol (évaporateur) ina wonti henndu, nde wonnoo e dummbo e nder guccurol cuurkol ina famɗi semmbe, ɗuum addanta ndeelam ɗam suurkude wonta henndu.
Iwde fereyon e mbaadi ndeelam wonta henndu naamndii ko siiɓaade nguleeki, (way tan kono fasnude ndiyam nih, ala e sago jayngol tawee), tawde guccurol cuurkol woni ko nder frigo, ko heen siiɓatoo nguleeki ɓuubol lomtoo, ko noon ɓuuɓol heɓirtee nder, kadi ko waɗaa nder fo nguleeki mum ñoortee (siiɓee).
Hade pompre nde heɓɓitaade fereyon o tawata ko wontii henndu haa laaɓi, ndu refta kadi ɗo ndu rewnoo.
Ɓuuɓnirka (frigo) lomto loonde.

About the author /


Post your comments

Your email address will not be published. Required fields are marked *