JUULDE KOORKA : YIYDE LEWRU ASET OO WEEƁATAA (KARALLO).

Ñalnde Hoore Biir (Aset) 24-06-2017
Lewru tolnondirta e Naange ko ñalnde Aset hedde 02h31mn GMT, ndu wona e seertude e Naange ngam artoyde hirnaange, ɗoon e mutal naange e nguun ɗoon ñalngu tawta ko ndu seerti e naange no moƴƴi kono tan ndu weeɓataa yiyde sabu geɗe ɗiɗe :
1- Sewde : ko lewñata e mayru diwtaa 0.8% e buuɗal mayru, ndu sewat no feewi.
2- Ñoosde e Naange : sabu ndu wonata ko e naanagal mutirɗe naange, yiyde ndu heen weeɓataa, naange mutata ko 19h43 lewru ne yanoyta ko 20h14, ɗuum noon ndu waɗata e asamaan ko 27 hojom hade mayru yanoyde kayru ne
ɗee geɗe ɗiɗe kaɗata ndu yiyeede hirnaange Afrik.
Ñalnde Dewo (Alet) 25 -06-2017
Ma ndu weeɓ yiyde no feewi, sabu tawata ko ndu woɗɗii naange fotde ko e ndu yiyo, yanti heen ndu ɓeydoo ɓuttiɗe seeɗa hedde 4.4% e buuɗal he lewñata, kadi maa ndu heddo e asamaan fotde 01h31 ( waktu e feccere) hade mayru yan’de.
Ɗuum noon ko ɓuri hoolnaade ko juulde ko ñalnde Aaɓnde (altine) wonata so Alla jaɓi.
Yoo Alla rokku en juulde mbo wuuri
Hammadi Sqmmba Jah

Tagged with:     ,

About the author /


Post your comments

Your email address will not be published. Required fields are marked *