NANNGAL NAANGE WALLA LEWRU : HOL KO SOOMII HEEN

Winndannde Hammadi JAH (PULLO HANNDE)
Eɗen mbiya lewru walla naange nanngaama so tawii en nattiiɗe yiyde e saha nde foti yiyeede, wonaa nanngeede foti wiyeede, foti wiyeede ko wirniima sabu woodat ko reɗɗii hakkunde lewru e naange lewru wirnoo, wooda kadi ko reɗɗii hakkunde leydi e naange, naange wirno.
Ko reɗɗotoo koo ko woni ?
Ko leydi tan walla lewru wirnata naange e weeyo men ɓadiingo, so tawii leydi heedii hakkunde naange e lewru, mbeelu leydi yanoya e lewru wirna ndu, ndu niɓɓiɗa, wiyee ndu nanngaama.
So tawii ko lewru reɗɗii hakkunde naange e leydi, ndu wirna naange, wiyee naange nanngaama, ɗuum waɗi nanngal naange waɗata tan ko nde lewru huroyii, hade woɗndu daraade, hay gooto meeɗaa nan’de naange nanngaama nde lewru feeñi e asamaan.
Nanngal lewru ne wonata tan ko nde ndu timmi, ndu waawaa nanngeede darorɗe walla maayirɗe mayru.
Leydi e Lewru ko e dingiral ɗaŋe ngoni, naange woni ko e wuddu dinngiral ngal, ɗuum noon birnagol naange fawii tan ko e reɗɗaade lewru hakkunde magge e leydi, tawa kadi ko kañje tonondiri rip.

About the author /


Post your comments

Your email address will not be published. Required fields are marked *