ROJJU YUMMUM DULEEƊI, BAAMMUM DULEEƊI.

WINNDANNDE HAMMADI SAMMBA JAH
Ɓaawo hitaande ko baagal weeyo Juno fuɗɗii gollaade, jooni ngal nuldii ko laaɓi e kabaruuji Rojju, nde annduɓe tiimi e ko ngal neldi ummoraade e Rojju, ɓe ƴeewtindii ɓe tawi ko duleeɗi moolanaaɗi ngoni e lobbuli ɗaŋre ɓurnde mawnude e yuɓɓo-naange.
Rojju ko aduna kaawniiɗo mettuɗo ɓadaade saka won’de, sabu dingiral duleeɗi moolanaaɗi mawnude, won heen e majji aduna men o ina heƴa e yitere majji hakke no ɗi mbay mawnude, so oɗon teskii, kala nde njiyɗon natal Rojju ma on taw heen ko wayno buuɗal iirɗungal, ngaal buuɗal ko duleendu mawndu, ndu fuɗɗiima duuɓi teemedde haa jooni e ndu yirloo, kono ndeka wonaa kayru tan wuubotoo e nder Rojju.
Juno wirtiima lobbuli Rojju ɗo ɓadii ngam ɓamde nate ɗiin nokkuuje, ko yiyaa heen e duleeɗi ina betti annduɓe no feewi, won e majji lattiniiɗi e 1400 kilomeeteer !!! won’dude e keneeli bonɗi.
Ina jeyaa e ko betti annduɓe yiytude ɓe amoñak ina woni e nder duleeɗi he, yanti heen saayaande pooɗal ɗaŋre nde ɓuri doolnude ko e seraaji mayre, e nde sowoo doole saayaande poozal leydi laabi 10, ɗuum firiti ko neɗɗo peesoowo 60 kg peesata toon ko 600 kg !
Ɗii kabaruuji baagal Juno nuldi ɗi ko ɓooyaani

About the author /


Post your comments

Your email address will not be published. Required fields are marked *