KUURAA DAANDE MAAYO : HOL KO ÑIFI WON GURE KUƁƁUNOOƊE?

Gure keewɗe kuɓɓunooɗe e nder Fuuta e garaangal hooreejo leydi ndii ñifi caggal mum, addiino mette e hoɗɓe e ɗeen gure. Heewɓe nih njiyrunoo ɗum ko fuunti funeere. Kono hooreejo catal toppitiingsl kuuraa dowri ina wiyee Baaba Jallo hollitii wonaa puunti. E wiyde makko huufduɓe golle ɗee cuwaa tawo woppitde joginooɓe golle ɗee sabu ko maa fof yuurnitee haa anndee caɗeele ngalaa heen. Ko ndeen ɓe ndokkata yamiroore yoo kuuraa oo huɓɓe tawa dartataako. E oo sahaa ko e yuurnito wonaa mbele alaa caɗeele coomii heen nde ɓe puɗɗo woppitde feewnooɓe kuuraa ɓee.
E ko feewti e tiiɗgol coggu kuuraa oo, Baaba Jallo hollitii laamu nguu maa, waɗ heen junngo mum haa huɓɓi-yoɓa huɓɓaani yoɓa oo natta.
Wonande gure bayɗe no Giray, Gawdal e ko nanndi heen, gardiiɗo Aser oo habrii ko ngalu taƴanoongu nguu gasnoo, kono e lewru Mee nduuɗoo maa golle ɗee njokku e gure keddiiɗe ɗee. Baaba Jallo rokki kabaeuuji ɗii ko e yeewtere Ngalu nde 2stv.
Hamet LY

Tagged with:     , ,

About the author /


Post your comments

Your email address will not be published. Required fields are marked *