MAATAM : PUNONDIRAL HAKKUNDE PELLE NGAM BALLONDIRAL

Ñalawma punondiral hakkunde fedde Nanondiren Mballondiren mo diiwaan daande maayo tuggi Bow haa Padalal, hakkunde mum e Ardiibe jannde demde ngenndiije diiwaan Maatam. Faayiida ngaldoo punondiral ina anndaa FANAMBA darnde mum to bannge bamtaare haa teenti to bannge kabagol humambinnaagu, daranaade cellal mawbe e sukaabe. Ńallal 23 09 2017 oon ñalawma mawninaama e tawtoreede jannginoobe dude pulaar gonde e nder falnde Kanel, kalfinaado jannde demde ngenndiije RDA hono Abdul Elbu Gey to Horndolde, kalfinaado jannde demde ngenndiije Usmaan Bah to Maatam, Mel ayninaa Joob to Maatam, gardiido Fedde FANAMBA hono Aamadu Saadu Kamara Mo Ganngel e terde fedde nde kala. Joom wuro ngo hono Umar Bah bismiima hodbe be omo ardi e Imaam e hoohoobe wuro ngo. Wadaama magooji nafoore jannde demde ngenndiije. Sakkitorii ko to yeewtere jannde demde ngenndiije e karalleeje kese. Ndeen yeewtere dowi dum ko Mel ayninaa Joob. Kame wasiyaaji kambe ardiibe jannde demde ngenndiije wallitde haa fdde FANAMBA waawa hebde wallidiibe e kala fannu bamtaare.

About the author /


Post your comments

Your email address will not be published. Required fields are marked *