NJOƁDEELE ARDIIƁE GURE TOKOOSE: HOL KO MIIJO NGOO JOGORI JIBINDE?

Ko kamɓe ngoni jooɗoniiɓe hooreejo leydi e les cate laamu leydi ndii. Cuɓagol maɓɓe fawii ko e yamiroore hooreejo,leydi nde tonngoode 96-228. Suɓeede gardiiɗo wuro rewata ko e keɓgol keeweendi to bannge joom en pooye en suɓotooɓe e yeeso superfee, ciimtol ngol ko prefee laawɗinta ɗum.E nder kuule Senegaal, wonde gardiiɗo fawii ko e : wonde Senegaalnaajo, jogaade duuɓi 25, jeyeede e hodde e wuro ngoo, e waasde jogaade ellaajij. Omo roondii ko heewi e ko laamu nguu rootii e hoore makko. Gila e ndeenka e kisal, kubbal, deftere ɓiɓɓe wuro…
E nder Senegaal, ina tawee heen hedde 14 ujunere e teemedde jeenayi e 58 wuro, tawa jiidaani e nguron tokoson.
Ko fotde jooɗaniiɓe hooreejo leydi e gure tokoose ɗee keɓa ndaamordi. Wonaa tan sabu wonde ɓe ruttorde jogiiɓe caɗeele e gure ɗee, kono noon kadi ko kamɓe ŋbismatoo hoɓɓe e arani en. Ardiiɓe gure noon hay so tawii in kaandi e ndaamordi ndii, wonaa kam laamu suɓotooɓe. Ɓe cuɓetwe ko e eow aadaaji gure hay so tawii ɗerewol ceedtatoongol cuɓagol maɓɓe ko laamu nguu siifata ɗum. Kulhuli ɓiriɗi wonde e ngoo miijo ko gila hay huunde jolaani, nde woni tan lefol aada, gure keewɗe pusii e pooɗondiral ngardiigu joom wuro. Enɗameeje taƴii e cuɓogol gardatooɗo wuro, gure pusii heen e sahaa nde joomum alaano so wonaa lefol e araaraay e kaayit seede. Ndeen noon so njoɓdi arii heen,pooɗondiral ngal ɓeydoto bonde.Kono hay so tawii ɗuum ina woodi ne, haɗoataa hakke jogaade ɓe hakke walliteede.
Ngoo miijo noon ko ABdullaay Wadda adinoo yaltinde ngo. Ko e jamma 03 Awril Makki Sal wultini ngo. Heddii noon ko so fellitii laataade, hol no jogori siforaade e tolno keewal ngal sabu Senegaal ina moofti hedde 15ujunere joom wuro/

Tagged with:     ,

About the author /


Post your comments

Your email address will not be published. Required fields are marked *