SINCU GARBA (MAATAM) : ÑALAWMA TEDDUNGAL DEBBO MAWNINAAMA TOON

Ñalawma 8 Mbooy e nder winndere teddiniraaɗo rewɓe, diiwaan Maatam heedaani heen caggal. Ɗo cuuɗi men Siñtu Garba e nder renndo teeru Oogo mawninii haa waɗi semmbe e ngartam faamu. Oo ñalawma 8 Mbooy 2018 tuggude waktu 8 subaka haa waktu 19 kikiiɗe ko e dillere tan e rewɓe pellital mo Siñtu Garba e gardagol Binta Ɓaas kame rewɓe Waasaakodde mbaɗdi junngo e faandu ngam mawninde ñalawma. E gardogol Guwernoor diiwaan Maatam, perefee falnde Maatam, suuperefee mo Oogo kame joom wuro Siñtu Garba Alasan Umaar Loh. Awluɓe, lawɓe, wammbaaɓe e magooji jirwino ngam hirjinde e toɓɓe cuɓaaɗe ɗe. Kanseer terɗe, kame kanseer enndu nde wonnoo e ɗum jeyaa ko ɓuri tampinde rewɓe ɓe. Yeewtere pattamlamiire waɗaama e oon fannu tawii waɗi yeewtere nde ko Doktoor Jeŋ karallo e oon fannu dokkirgol ƴiiƴam. Teddiniraa ñallal ngal ko Meer Aamadu Kan Jallo kame cuddiiɗo mum. Ɓe kollitii kamɓe rewɓe ɓe yo laamu ngu tinanɓe tampere maɓɓe to bannge rafi o ɓe ngalaa nokku baɗoowo anaaliis e nder diiwaan o. Hono no waɗiraa nokku cafrirɗo jabet nih, ko hono noon ɓe njiɗiri waɗiree noon. Ñallal ngal haaɗaani tan ngullen pijen, njalen, ñaamen njaren kono gooto kala ɗuum wontii njooɓaari mum to bannge deentagol to bannge kanseer tergqal ɓesnirgal e enndu.

About the author /


Post your comments

Your email address will not be published. Required fields are marked *