BIRNAGOL ALIW ARƊO SOW : E NDAW ALYATIIM

Ko e ooɗoo alarba 23 ut Aliw Sow mbo jimɗi lolliniri Aliw Arɗo Saajo hawri e Lajal to Paris. Aliw Sow wuuri duuɓi 85 e nguurndam naftojam renndo makko
Aliw Sow nguurndam mum ko nafoore mehre nde yahdaani e bakko e fiytaade becce. O haalii e nder nguurndam makko e sahaa cukaagu o waɗii kala fannu golle. Fiyde muuluuji, roondaade saakuuji haa nde Allah waɗi mbo gardiiɗo gollorɗe. Aliw Sow fuɗɗorii golle mum keeriiɗe ko e gollorgal Cse ngal o darni e hitaande 1970. Ngal ɗoo gollorgal dillowal ko feewti e kalluuji ina tawee hannde e yoga e leyɗeele Afrik hirnaange.
Kono caggal mum o darnii kadi gollorɗe ɗiɗi goɗɗe. Gootal heen fof e no jogiraa nih, wonii ballitngal renndo fawaade e moƴƴingol e rewnude laawol. Kala heen gollorgal noon wona cse, wona Golf dillowal e mahanteeje walla Sismar, gootal heen fof o rewrii ɗum Allah o jokkorii ɗum enɗam.
Ndaw jumaaji e jamaaji ɗi o mahi, ndaw galleeji dokkiraaɗi, ndaw dokke e sadakeeji jaltinooji e baasal.
Ooɗoo gorko maayiri ko e duuɓi mum 85. Wiyaama hade makko maayde ko tawa o yuɓɓinii jogagol gollorɗe ɗee, o halfini ɗum sukaaɓe makko.
Hannde ko Fuuta fof waaldi baasal ko yoga e Senegaalnaaɓe mbaaldi alyatamaagal.

About the author /


Post your comments

Your email address will not be published. Required fields are marked *