JEHRE WUROSOOGI E IINCURU KEBUNGAL JUULDE

Kebungal juulde koorka jeyaama haŋkadi e ngoƴaaji joomen galleeji. To bannge jeereeji soodooɓe comci, paɗe kame yeeyooɓe nana mbadda ustu ɓeydu. Kono wonɓe nganndu ɗaa ngonaa jeyɓe juuɗe mumen ina naatta heen ngam sostinde ko njeyaa. Ina wayno gila nde koorka ka darii to bannge to ñameele ɓiɓɓe leɗɗe ina ngoodi! ko wayno banaana, pom, manngo, dene ina keɓoo kono ko njeeygu ngu tiiɗata. To bannge sewsewo ina anndaa nafoore hay so tawii heewɓe ina jeyaa ko nawata ɗumen jeere ko soodde sewosewo yoga heen kam kuutortaako nih keewi tan ko ñaantirde barmeeji mumen, liɗɗi ko ɓuri koo heewɓe ko yabooy, yoga heen ko jogiiɓe nokkuuji jeeyirɗi, kg gooto ina jara haa 400mb, liɗɗi ngummortoo ko Ndar walla Lisaa etee memotaako. Hannde oo kadi, kala joomen sukaaɓe tokosɓe a regginat tan payaa jeere ngam soodoyde comci e paɗe kono hannde oo kam alaa ko mematoo ina tiiɗi no feewi. Miskiino fof jogiiɗo ɓesngu jonɗo suusaa naatde e ndee jehre. Ñootooɓe, tafooɓe e yeeyooɓe geɗe goɗɗe ngoni ko e sahaa mumen kono yoga e soodooɓe ngoni ko tampere mawnde ngoni. To bannge dare ɗe soodde ndamndi tan ko tampere mawnde haalaaka soodde njawdi nehaandi ko maa ndarnaa koyɗe e leydi. Tee gertooɗe so wonaa gertooɗe gonɗe ɗo e nokku hee woni « poulet local» o ko wonaa ɗeen ina ŋakki no feewi. Hannde oo ñalawma e mbeddaaji jeere Wurosoogi to njahɗaa fof rajooji nana ngulla ngaree coodee kono mo alaa doole kam alaa heen geɗal.

Bookar Sek Lewlewal Maatam

About the author /


Post your comments

Your email address will not be published. Required fields are marked *

BATU GOODAL