MAATAM : KAWTAL PELLE KONGAD HEBLII E DARNUGOL FEDDE

Ñallal hannde 22 /11/2017,Eɓɓo wiyeteengo CONGAD daɗɗii jooɗnde to Santar kiltirel mo diiwaan Maatam, tawtoraama ndeen jooɗnde guwernoor Maatam kalfinaaɗo geɗe ɓamtaare, kam e pelle keeriiɗe. Ndeeɗoo lulnde ngam wallude renndo hol peeje potɗe waɗeede so tawii a yiɗii sosde fedde hol to potɗaa fawaade e nder kuule, walla ko fedde GIE njogiɗaa yahii haa woni sahaa nde wontii Fewlaa hol kabaaru mo potɗen heɓde heen. Ɗeen kuule ina poti waawde e newnande renndo ngo.
Yeewde wallitde pedle jogaaɗe e anndude kuule ƴeftaade e cosgol pelle, nguurndam kame ngartam. Juurnitagol ɗeen kuule e nder nguurndam pedle ɗee. Faandaare yummaare nde tan ko hollitde yimɓe ɓe hol no fedde darortoo haa teeŋti e FEWLAA. Ko laamu ngu waɗi ɗiin laabi laaɓtuɗi. Nde wonnoo fedde wonat fedde haa wonta FEWLAA, FEWLAA ina jogii darnde mum, fotde mum, e nder leydi. Ko ɗuum waɗi nde lulnde ko hirjinde haa teeŋti e Maatam, Kanel e Raneeru haa mbaawa anndude laabi potɗi reweede. Ndee jooɗnde jooɗanoo ma to diiwaan Ndar ngol laawol ko diiwaan Maatam. Teskaama pelle ɗee ina njogii caɗeele nguurndam, fedde sosete tan nde wonata dumunna tawa nde fusii sabotoo ɗuum ko waasde anndude hol ko woni nguurndam fedde. Hol no fedde waɗata haa jokkondira e laamu kadi heɓa eɓɓoore daña wuurnude e wallude renndo.

Bookar sek Lewlewal Maatam

About the author /


Post your comments

Your email address will not be published. Required fields are marked *