WOOTE FARAYSE: MAKRON LAPPII LOPEN

Bettaani hay gooto poolgu Emanuwel Makron fooli Marin Lopen. Makron dañi ko toɓɓe 66 e kala teemedere ɗo Lopen dañi toɓɓe 34 e kala teemedere. Ɗum fof e wayde noon teskaama faraysenaaɓe heewɓe ko ɗuurniiɓe woote ɗee etee heewɓe heen ngooti ko kartal danawal yiɗde wiyde ko fof foti e mumen.
Teskaama kadi Marin Lopen hay so foolaani, toɓɓe mum ɓeydiima so yerondiraama e ko yawti koo.
Emanuwel Makron ko kañum woni laamɗo njeetaɓo gila nde Ngenndi joyoɓiri fuɗɗii, kono ko o 24 laamɗo gila laamu Farayse fuɗɗii. Makron woni laamɗo ɓurɗo famɗude duuɓi, sabu o dañi ko duuɓi 39. Kono cuddiiɗo makko oo ina hecci mbo duuɓi 24 sabu dañi duuɓi 63.
E yeeso Makron, woni heen ko wooteeji sarɗiyaŋkooɓe baɗooji 11 e 18 suwee.