ABUU DEMMBEL MBOOC: GANNDO WIRNIIMA

Abuu Demmbel Mbooc mbo Doondu jooɗinooɗo to Ndar hawrii e lajal e oo aljumaa 12 Me to Ndar ɗo o waɗi ko ɓuri heewde e nguurndam makko.
Oo gorko ko sagata daraninooɗo leñol mum. Abuu Demmbel Mbooc jeyenoo ko e haralde janngoynoonde to Esipt. Ko toon o hawriti e Yero Dooro Jallo en. Ɓe ngolliima toon golle keewɗe e ɓamtaare ɗemngal ngal. O hollitiino e winndannde nde o waɗdunoo e jaaynde Lasni wonde Ndikkiri Joom Moolo ko tinndi e ñaafti hakkunde maɓɓe rwnndinaa woni deftere Uero Dooro Jallo ndee. Abuu Demmbel Mbooc lo wiɗtoyaŋke mawɗo mo ganndal mum yahri e mbirniindi koode. Ina wiyee nih o winndii deftere e ganndal koode ina wiyee leƴƴannde koode. Omo jeyaa kadi e hettuɓe inɗe lebbi e ñalɗi ɗi pulaar huutortoo hannde ɗii. Hollitaama kadi o joofniino binndol deftere e daartol Doondu. O jooɗinoo ko to Ndar, ɗo o jannginatnoo. Omo jeyaa e hettuɓe alkule Keer ɗee, e ballitɗo e binndol defte puɗɗorɗe jaŋde binndanooɗe toon.