LewLewal Communication

Kawgel aduna jaŋde Quraan rokki poolgLi hikka ko ɓiɗɗo Senegaal biyeteeɗo Muhammed Mujtaba Jallo. Ooɗoo suka ko rawane heɓi bak mum e arab, caggal nde ɓaari Quraan ɗo duɗal Daarul iimaan. Suka oo ko ceerno mum seedtii tiiɗnaare makko e yiɗde mbo jaŋde e himmirde e mum. E hitaande 2011, ko kaŋko arnoo hoore e kawgel ngenndiwel baɗnoongel e Senegaal. Ko hono noon e 2012, o yalti ɗiɗaɓo e kawgel jaŋde Qurjaan baɗnongel to Kotdiwaar. Caggal mum o yaltii njoyaɓo e aduna oo e kawgel baɗnongel to Keer. Kono e ngeel kawgel, wonaa jaŋde tan wonnoo, kono ina nawori facciro.
Hikka nde o yahata, ko jaagorgal kisal e ndeenka leydi tintini ɓe kawgel ngel, ɓe keblii e oon fannu. Kono konleydi Maleesii nawi ɓe etee ko kam jogii ɓe toon.O waɗi to Malesii balɗe 12 hay so tawii kawgel ngel duumii ko balɗe joyi tan. E wiyde ceerno makko, gila.omo yaha o waynorii ko addoyde araaraay oo o arta. Ko ɗuum.o waɗi. E ngel ɗoo kawgel noon ko leyɗeele 149 kawrunoo toon. Etee ko ngol waɗti laabi 59 ko ngel yuɓɓinee to Maleesi.
So renndo ngoo jooɗiima, heɗtatooɓe ɓee uddittu hello wooto e deftere ndee, ɗo ɓe kawri fof ko ɗoon joomum janngata.
Muhammed Jallo hollitii ina felliti jokkoyde jaŋde e tawtoreede kala kawgel baawngel waɗde.
Suka laaɓa juuɗe oo, jooɗodiima e laamɗo Maleesi, hono no o jooɗdorii e hooreejo leydi Senegaal.
Hammee Lih.