Ñalawma haannde ina hawri 27 10 2017 Eɓɓoore wiyeteende MDI Technologie ummoriinde to leydi Farayse arii e nder wuro Caankon Hiray. Caankon Hiray woni ko e nder renndo teeru Oogo, ngo woni ko hirnaange Wurosoogi. Ndeeɗoo eɓɓoore addi ɗum ko biyeteeɗo Mammadu Joob ko ɗuum waɗi o inniri eɓɓoore MDI Technologie, ko ɓiɗɗo Caankonnaajo Hiray jibinaaɗo leydi Farayse mawni toon, ngam faamde caɗeele nokkuuji ɗi to bannge soppere leɗɗe, yooro ngo nana yahra yeeso, cellal ngal ina ŋakki, jaŋde yahraani no yiɗiraa nih. Ko ɗuum waɗi kaŋko Mammadu Yero Joob o addi eɓɓo ngo njaru mum tolniima e teemedde tati ujunere e capanɗe joyi e koppareeje ooroo. Ɓe ngardii e Meer Oogo, Aamadu Kan Jallo e sete mum timmuɗo o hollirii maa ɗum wallitde e eɓɓoore mawɗo leydi ndi Senegaal Emersaa. E nder ɗuum maa ɓe mbaɗ lulɗe tati tawii lulnde fof ko lowre haalata. Lowre adannde nde ko ƴeewde peeje ngam fooftinde rewɓe ɓe to bannge kuutorogol leɗɗe wonande defooɓe beñe, waɗooɓe mburu, tawii fof ko kaɓirɗe ɓe ngaddata baawɗe waɗde ɗeen golle. Maa ɗeen golle ƴeewnde fotde lebbi tati. Fotde capanɗe njoyi suka maa ngolline heen.
Bookar sek Lewlewal Maatam
Post your comments
Vous devez être connecté pour publier un commentaire.