SIYAARA GANNO BALOL : CEERNO MUNTAGAA BAH MAWNINAAMA TO JEYAA

Ziyaara to cuuɗi men Ganna Balol e nder reedu fuuta. Ganna Balol ko e nder diiwaan Maatam, falnde Maatam, renndo teeru Oogo. Ko ɗoon tigi jeyaa gooto e fagguduyaŋke biyeteeɗo Abdullaay Jeŋ mo Ganna Balol. Ooɗoo Ziyaara ko e miijo ummoriingo e jinnaaɓe ɓeeɗoo sukaaɓe semmbinɓe ooɗoo ziyaara ummoraade e jokkondiral e Ceerno Yahyaa Bah mo Lisaa haa tellitii e ɓiyiiko biyeteeɗo Ceerno Muntagaa mo Ceerno Yahyaa Bah hitaande kala yilloo e wuro ngam yeewtitde to bannge diine e jokkere enɗam. Ñallal hannde 22 03 2018 jeyaama e ñalawmaaji weltaare. Mawɓe wuro ngo e sagataaɓe wuro ngo njaɓɓiima sete ceernaajo o ummoraade e wurosoogi nde wonnoo kaŋko Ceerno Muntagaa Bah ko Wurosoogi ɗo o woni. Ñallal ngal e bismagol almaami Wuro ngo hono Ceerno Huudu Gey e hilifaaɓe wuro ngo. Daayira o e gardagol Ahmadu Jubayru Joob e satiiɓe mum jeewte guurɗe e semmbinde juulɓe ɓe haa teeŋti e sagataaɓe ɓe to bannge diine. Daayira rewɓe ɓe e gardagol Raamata Bilaali Joob e njettii denndaangal sukaaɓe ɓe gooto kala ɗo heednaa dariima darnde tiiɗnde. Joofii e dow jam duwawuuji mbaɗaa yo en mbaɗtu nih mo wuuri.