LewLewal Communication

Ko ɓe ƴamooɓe sappo e goo ɓe ngonnoo e suɓngoooji leydi Farayse… njeenayo ɗaftaama heddiima ɗiɗo. Emanuwel Makron e Marin Lopen? Moni e maɓɓe fof noon ina jogii ɓure e ŋakkanɗe.
Emanuwel Makron semmbe mum gadano ko cukaagu mum. O yahrata ko e duuɓi 39 sabu o jibinaa ko ñande 21 deesaamburu 1977.Omo jogii ɓural kadi wonde mo jahruɗo to bannge faggudu ganndaaɗo e nder cippondiral alɗuɓe aduna oo. Omo jogii fartaŋŋe waasde mbo jeyeede e lanndaaji gaadanteeji. O Jogii ko waalde makko heeriinde ina wiyee En marche.
Kono wonde mbo galo mbo waasaani ina waawi wonde tonngol sabu waasde mbo anndude ngonka faraysenaaɓe famarɓe doole.
Marin Lopen fartaŋŋe mum gadano ko wonde mbo debbo (ina waawi wonde tonngol kadi). Ɓooyde mbo e politik e anndude jootte gonɗe heen. Yanti heen kadi omo e ɓerɗe faraysenaaɓe añɓe arani en. Kono kadi ko jom pellital e fiɓnde.
Marin Lopen ko kañum gooto jogori dooɗondorde e heddiiɓe ɓee fof. Ko gooto woni mbo rokkaani yamiroore hoto o wootane. yanti heen kadi won o nanngiraa ko gaño arani en e ɓaleeɓe.